Já, þannig er nú það :P Ef ég ætti að skrifa bók þá yrði hún væntanlega titluð ,,Hvernig á að eyða peningum í ekki neitt“.

Það er jú einusinni þannig að ég er það fær á þessu sviði að ég gæti haldið námskeið í því að láta peninga hverfa ;)
Bara núna á nokkrum dögum er ég búinn að eyða 40.000 í bækur, 45.000 í skólagjöld og svo 190.000 í tölvu og fylgihluti og var það allt fyrir skóla og nám sem ég ákvað síðan að geyma ;) Tölvan er samt góð :P

En já það nýjasta var einmitt í gær, ég og Gísli fórum á Dalvík aftur og vorum þar frá 8 um morguninn til 15.20. Það var aaaaalgjör snilld, vá hvað það var gaman og tók ekkert smá á. Við vorum rosalega þreyttir og sveittir og þurftum að fara í sturtu áður en við færum að vinna kl 16.00 í Strax á Akureyri. Þannig að ég keyrði bara eins og brjálaður og kom Gísla heim tímanlega til að hann gæti farið í sturtu og svo fór ég bara heim og lenti í mikilli umferð og komst ekkert áfram fyrr en ég komst á borgarbrautina, hvað gerir maður þá ef maður er á hraðferð? Eykur aðeins hraðann :P

Svo var ég kominn heim, skildi bílinn eftir í gangi og ætlaði að hlaupa inn og fara í sturtu þegar einhver maður í bláum súbarú legasí kallar á mig. Ég sný mér við og ætla að ræða við hann, þá byrjar hjartað að síga alveg niður í maga og finn hjartsláttinn eins það sé varið að berja mig með hamri! Var ekki þessi maður klæddur löggugalla! :( Þá var þetta ómerktur löggubíll og ég beðinn að koma aftur í og ræða við þá.

Auðvitað höfðu þeir verið að elta mig en ég var heppinn að ég sá þá ekki, stakk þá af, og þeir náðu ekki að mæla mig í íbúðarhverfinu – ef þeir hefðu náð því væri ég búinn að missa leyfið og fengi töluvert hærri sekt. En þeir náðu mér semsagt á 87kmh á 50 svæði, eða 37kmh yfir hámarkshraða :)
Það var jú líka þannig að þær mínútur sem ég ætlaði að græða þarna fóru í að svara einhverjum spurningalista í aftursætinu á lögreglubíl. Fannst þetta soldið eins og eitthvað ,,gallúp live“ bara, yfirheirsla um eitthvað ómerkilegt eins og hvar ég vinn og eitthvað rugl.

Þarna tapaði ég meiri tíma en ég græddi og þar með kom út í þeirri stöðu að ég skipti um sokka og fór í vinnuna :/ tók með mér handklæði og þvoði mér að ofan í vinnunni, tók eiginlega sturtu í vaskinum hehe ;)

En já, þetta ætti að vera sekt upp á 50.000 kall, vonandi ekki meira :P en það er allt í lagi, nenni ekkert að spá í því, verð bara að fara að venja mig á að keyra hægar, hef tekið eftir því að ég keyri jafnvel allt of hratt þó ég sé ekkert að drífa mig! Hvað er að?
Alltaf bara verið mottóið að ,,ef maður kemur öllum heilum á áfangastað, bíllinn í lagi og engin sekt - þá hefði maður getað keyrt hraðar“... en það er víst ekki þannig, maður verður aðeins að átta sig á því :)

En svo var bara tekið kvöldvakt til 23.30 þannig að þetta var 15,5 tíma vinnudagur sem er bara nokkuð gott :) svo var bara farið til Gísla og tekið smá Fífa keppni til þrjú mynnir mig en þá fór ég heim að sofa.

Í morgun vaknaði ég svo símann kl.10 þegar ég var beðinn að mæta klukkutíma fyrr eða semsagt 15-23 og þá var bara tekið eitthvað hangs til þrjú og þá mætti ég í vinnu og var alveg ruglað mikið að gera þannig að þetta leið fljótt. Á morgun er svo kvöldvakt og á mánudaginn aftur á Dalvík!!! :D

Annars er lítið annað að frétta sko... Hallur (verslunarstjóri) var reyndar að biðja mig að taka að mér að vera vaktstjóri annan hvern sunnudag í vetur, eða semsagt helgarnar sem ég á ekki að vera að vinna og er það bara gaman :)
En ég held þetta sé komið gott af bloggi, búið að vera mikil vinna undanfarið en ég fer alveg að fara gera eitthvað í þessari síðu, lofa! ;)